Патрабаванні Расіі да НАТА і ЗША па бяспецы несумяшчальныя са складзеным за апошнія дзесяцігоддзі парадкам забеспячэння еўрапейскай бяспекі, лічыць прэзідэнт Фінляндыі Саўлі Нііністэ. Паводле яго слоў, прынцып поўнай роўнасці дзяржаў павінен выконвацца ўсімі.
Патрабаванне Расіі аб гарантыях бяспекі з боку ЗША і НАТА турбуе Еўропу, пра гэта заявіў Нііністэ ў навагоднім звароце да жыхароў краіны.
Раней у снежні, Расія запатрабавала ад ЗША і НАТА даць пісьмовыя і юрыдычна замацаваныя гарантыі аб непашырэнні Паўночнаатлантычнага альянса на усход і неразмяшчэнні узбраенняў каля расейскіх межаў. У адваротным выпадку Масква пагражае пачаць прэвентыўныя дзеянні ва Украіне, якая стала свайго роду закладніцай процістаяння Расіі і Захаду.
Фінляндыя не член НАТА і заўсёды трымалася вельмі стрыманай лініі ў адносінах з Расіі. Такая заява фінскага прэзідэнта супадае з агульнай пазіцыяй НАТА, якая выключае наданне права вета трэцім краінам.
