Турфірма, якая прывезла ў Беларусь бежанцаў, арганізуе іх вяртанне на радзіму
Беларуская турфірма «Дрым Джоб» прапанавала вывезці мігрантаў з Беларусі ў Сірыю і Ірак. Ліст ад турфірмы на рускай і англійскай мовах перадалі кіраўніцтву лагістычнага цэнтра «Брузгі», дзе размясціліся мігранты, паведамляе выданне «Камерсант».
Вывазны рэйс запланаваны на 28 лістапада. Кліенты фірмы змогуць вярнуцца на радзіму бясплатна, астатнім палёт абыдзецца ў 400 даляраў.
СМІ раней паведамлялі пра існаванне спіса ўпаўнаважаных фірмаў, якія маюць права афармлення беларускіх віз сірыйскім грамадзянам. У яго ўваходзіць 12 туркампаній, у тым ліку і ТАА «Дрым Джоб».
Nashaniva.com
Хочаш падзяліцца важнай інфармацыяй ананімна і канфідэнцыйна?
Пішыце рэдактару «Нашай Нівы» ў ТГ
