business-gazeta.ru
Дакумент унеслі ў Дзярждуму ў канцы верасня. Ён прапануе ўсталяваць агульнае для ўсіх рэгіёнаў Расіі найменне вышэйшай службовай асобы — кіраўнік суб'екта РФ.
У Дзяржсавеце Татарстана лічаць, што нормы законапраекта «супярэчаць асновам канстытуцыйнага ладу РФ як дэмакратычнай федэратыўнай прававой дзяржавы».
Рашэнне не падтрымліваць дакумент было прынята аднагалосна.
Кіраўнік камітэта Дзяржсавета па дзяржбудаўніцтве і мясцовым самакіраванні Альберт Хабібулін прапанаваў дэпутатам Дзярждумы ад Татарстана падтрымаць пазіцыю парламента рэспублікі, а пасля першага чытання законапраекта зноў яго абмеркаваць, піша meduza.io.
Татарстан застаецца адзіным рэгіёнам Расіі, кіраўнік якога называецца прэзідэнтам. У астатніх рэспубліках выкарыстоўваецца слова «кіраўнік» («глава»).
