Прэс-сакратар міністра — каардынатара спецыяльных службаў Польшчы Станіслаў Жарын напісаў у твітары, што людзей у форме ідэнтыфікавалі. Па яго словах, гэта салдаты паветрана-дэсантных частак, службы спецыяльнага прызначэння Памежнага камітэта ці АМАПа. Паводле Жарына, некаторыя вайскоўцы ўзброеныя снайперскімі вінтоўкамі.
Прэс-сакратар дадаў, што гэтыя згаданыя вайсковыя часткі прызначаны не для аховы мяжы, а для баявых дзеянняў.
Афіцыйных каментароў з беларускага боку пакуль не было.
