Беларус выйшаў на Красную плошчу ў Маскве з плакатам супраць Лукашэнкі — заўтра яго будуць судзіць
На Краснай плошчы ў Маскве ўдзень 21 верасня затрымалі грамадзяніна Беларусі Дзмітрыя Голубева, які разгарнуў плакат з надпісам «Хопіць карміць рэжым Лукашэнкі», паведамляе «ОВД-Инфо».
Плакат быў афарбаваны ў чырвона-белыя колеры, а ўнізе Голубеў надрукаваў QR-код, па якім можна перайсці на петыцыю супраць улады ў Беларусі.
Пасля затрымання Голубева даставілі ў аддзел паліцыі. На яго склалі пратакол па артыкуле аб удзеле ў няўзгодненай акцыі (ч. 5 арт. 20.2 КаАП). Неўзабаве Голубева адпусцілі з абавязацельствам з'явіцца на суд 23 верасня.
Nashaniva.com
Хочаш падзяліцца важнай інфармацыяй ананімна і канфідэнцыйна?
Пішыце рэдактару «Нашай Нівы» ў ТГ
