Адвакат філосафа Уладзіміра Мацкевіча пакінуў Беларусь
Сайт «Права на абарону» паведамляе, што ў юрыста Мінскай гарадской калегіі адвакатаў Дзмітрыя Лазавіка 13 жніўня прайшоў ператрус у рамках крымінальнай справы, у якой ён з'яўляецца абаронцам. На гэты момант адвакат пакінуў межы краіны.
Акрамя таго, Дзмітрыя Лазавіка выклікалі на пасяджэнне кваліфікацыйнай камісіі 11 жніўня для пераатэстацыі, аднак ён на пасяджэнне не з'явіўся.
Як растлумачыў абаронца, ён і не збіраўся там прысутнічаць, бо лічыць вынік (непраходжанне і пазбаўленне ліцэнзіі) загадзя перадвызначаным.
Лазавік — абаронца палітвязня-філосафа Уладзіміра Мацкевіча. Таксама адвакат з'яўляецца дэлегатам платформы «Сход».
Nashaniva.com
Хочаш падзяліцца важнай інфармацыяй ананімна і канфідэнцыйна?
Пішыце рэдактару «Нашай Нівы» ў ТГ
