Кіраўнік БПЦ сустрэўся з Карпянковым і байцамі ўнутраных войскаў
9 жніўня мітрапаліт Веніямін правёў службу ў храме, які знаходзіцца ў вайсковым гарадку ва Уруччы. Гэта дзень памяці велікамучаніка Панцеляймона, імя якога носіць царква. Так супала, што гэта яшчэ і дзень пачатку масавых пратэстаў у Беларусі.
На службе прысутнічалі байцы ўнутраных войскаў і іх кіраўнік Мікалай Карпянкоў, а таксама былы камандзір в/ч 3214 Дзмітрый Паўлічэнка.
Апошнім часам сілавікоў фатаграфуюць з закрытымі тварамі, але на службе яны былі без масак і балаклаваў. Таксама Карпянкоў прадэманстраваў кіраўніку праваслаўнай царквы зброю, якую маюць беларускія байцы.
Nashaniva.com
Хочаш падзяліцца важнай інфармацыяй ананімна і канфідэнцыйна?
Пішыце рэдактару «Нашай Нівы» ў ТГ
