Федэральны ўрад Швейцарыі ў сераду 11 жніўня абвясціў аб узмацненні санкцый супраць Беларусі.
Новыя меры ўключаюць гандлёвыя абмежаванні для пэўных тавараў, а таксама абмежаванні ў фінансавым сектары.
У дадатак да існага эмбарга на пастаўкі зброі і тавараў, якія могуць выкарыстоўвацца для рэпрэсій, урад увёў эмбарга на тавары, якія могуць выкарыстоўвацца для адсочвання і праслухоўвання інтэрнэту і тэлефоннага трафіка.
У фінансавым сектары ўрад прыняў рашэнне аб абмежаванні на выпуск і гандаль некаторымі фінансавымі інструментамі, прадастаўленне крэдытаў, а таксама паслугі страхавання і перастрахавання для ўрада Беларусі і іншых дзяржаўных устаноў.
Швейцарскі ўрад вырашыў накласці фінансавыя санкцыі на дзяржаўную кампанію «Белаэранавігацыя», якая адказвае за кіраванне паветраным рухам у Беларусі.
