Як распавёў афіцыйны прадстаўнік Дзяржпагранкамітэта агенцтву Sputnik Антон Бычкоўскі, недалёка ад беларуска-польскай мяжы сапраўды страляюць, але гэта не падстава для боязі суседніх краін. Па словах Бычкоўскага, на мяжы Беларусі з Літвой і Польшчай праходзяць планавыя вучэнні.
— У вучэбным цэнтры «Бяляны», які размешчаны недалёка ад мяжы, ужо некалькі дзён праходзіць баявое зладжванне падраздзяленняў мабілізацыйнага рэзерву Гродзенскай памежнай групы. З імі праводзяцца заняткі па тактыцы пагранічнай службы, агульнавайсковы, спецыяльнай і агнявой падрыхтоўцы. Стрэльбы, у тым ліку начныя, таксама праводзяцца. Ніякіх інцыдэнтаў, звязаных з ужываннем зброі не мяжы не было, — распавёў Бычкоўскі.
Раней у прэс-службе Дзяржаўнага памежнага камітэта паведамілі, што на мяжы Беларусі з Літвой і Польшчай да 12 жніўня будуць праводзіцца комплексныя аператыўна-тактычныя вучэнні. У рамках вучэння будуць адпрацоўвацца ў тым ліку пытанні па ўзмацненні аховы дзяржаўнай мяжы, выяўлення і ліквідацыі узброеных фарміраванняў.
