Сяргею Драздоўскаму і Алегу Граблеўскаму з «Офіса па правах людзей з інваліднасцю» змянілі меру стрымання — іх адпусцілі з-пад арышту пад паручальніцтва.
Следства працягваецца, дырэктара і юрыста Офіса абвінавачваюць у махлярстве. З лютага вазочнік Драздоўскі знаходзіўся пад хатнім арыштам, Граблеўскі — утрымліваўся ў СІЗА. Яны былі прызнаныя палітвязнямі.
У канцы ліпеня Мінгарвыканкам прыняў рашэнне аб ліквідацыі «Офіса па правах людзей з інваліднасцю».
Праблемы ў гэтай ініцыятывы інвалідаў пачаліся пасля таго, як яе ўдзельнікі сталі ладзіць штотыднёвыя маршы пратэсту супраць фальсіфікацый і парушэнняў законнасці ў краіне.
