Наступныя дні — таксама дажджы. Прагноз на 20-22 мая
20 мая на большай частцы тэрыторыі пройдуць дажджы, у асобных раёнах навальніцы. На працягу сутак па Віцебскай вобласці, а ноччу і раніцай па Магілёўскай, па паўночным усходзе Гомельскай і Мінскай абласцей — моцныя дажджы.
Ноччу +7..+13°С, днём ад +9°С па паўночным усходзе да +18°С па Брэсцкай вобласці. Атмасферны ціск ноччу істотна не зменіцца, днём будзе расці, паведамляе pogoda.by.
У Мінску ўсяго +13..+15°С, дождж.
У пятніцу, 21 мая, кароткачасовыя дажджы. Уначы +3..+8°С, днём +13..+19°С. У Мінску да +15°С.
У суботу таксама не без дажджоў і навальніц. Але ўжо цяплей +15..+22°С. У Мінску да +18°С.
Nashaniva.com
Хочаш падзяліцца важнай інфармацыяй ананімна і канфідэнцыйна?
Пішыце рэдактару «Нашай Нівы» ў ТГ
