13 жніўня Цімур трапіў у рэанімацыю. Яго даставілі ў бальніцу з РУУС са шматлікімі траўмамі. Хлопец у бальніцы знаходзіўся нейкі час у медыкаментознай коме.
3 верасня падлетка затрымалі і адвезлі на допыт у рамках арт. 293 КК (Масавыя беспарадкі). Следчыя заявілі, што падлетак актыўна ўдзельнічаў у масавых беспарадках і датычны да нападу на кіроўцу грузавіка.
8 верасня Цімур Міцкевіч знік з бальніцы, пасля інфармацыі пра яго не было. 24 верасня памерла яго маці, сіротамі засталіся 9 дзяцей.
Пазней Андрэй Стрыжак раскрыў некаторыя падрабязнасці эвакуацыі Цімура з Беларусі.
«Нарэшце магу напісаць гэтыя словы і адказаць на сотні вашых пытанняў. Хлопца катавалі, потым ён трапіў у бальніцу, адкуль яму ўдалося ўцячы і залегчы на дно. Потым была вялікая дэтэктыўная аперацыя, у якой узялі ўдзел дзясяткі чалавек, і я рады таму, што мае дачыненне да гэтай вялікай справы.
За час, пакуль хлопец быў у бягах, на жаль, памерла яго маці. Для дапамогі сям'і сабралі больш за 9000 Еўра, якія цяпер будуць размеркаваны паміж дзецьмі».
