Tut.by
Падчас запісу расказваецца аб нарадзе, дзе міліцыі даводзілася, што рабіць з мірнымі пратэстамі і пратэстоўцамі.
Мяркуючы па тым, што кажа чалавек на запісе, ён зроблены ў канцы кастрычніка, бо там гучыць фраза «міністрам прызначаны Кубракоў Іван Уладзіміравіч, генерал-маёр, сёння яму ўручылі пагоны генерал-лейтэнанта» (гэта адбылося ў Палацы Незалежнасці на ўрачыстай цырымоніі 30 кастрычніка), выказвае меркаванне Tut.by.
У пачатку запісу расказваецца пра расійскі пісталет Ярыгіна, які беларускія сілавікі нібыта атрымалі на ўзбраенне. Мяркуючы па гуках на запісе, пісталет чалавек трымае ў руцэ і дэманструе, як ён працуе. Акрамя таго, чалавек, распавядаючы пра пісталет, згадвае Аляксандра Тарайкоўскага, які загінуў 10 жніўня.
— Атрымалі мы, я скажу, што вельмі магутную зброю на ўзбраенне. Атрымліваецца, расійскі пісталет Ярыгіна ў іх ёсць, за аснову яны яго ўзялі. Яны, натуральна, расіяне, хацелі скапіяваць швейцарскі SIG Sauer і зрабілі пісталет Ярыгіна.
Вось у такім вось становішчы, здаецца, што на засцерагальніку, але для таго, каб было на засцерагальніку гэта проста [далей неразборліва], усім прыйдзецца рана ці позна. Гібрыдная вайна не сканчаецца, карыстацца прыйдзецца ўсім, трэба зрабіць маленькі перадузвод, ставім на перадузвод, і вось, атрымліваецца, і ён сам ставіцца на засцерагальнік.
І нават калі, атрымліваецца, узяць зараджаным… Не трэба, не страляе, то ён на засцерагальніку стаіць. А калі, атрымліваецца, разрадзіць адпаведна…, было адчуванне, што можа быць наогул гэта траўматычная зброя.
Мы, атрымліваецца, узялі ўчора скрынку кардонную. У чатыры шэрагі яе склалі, паставілі на крэсла, [кажа нешта неразборліва] атрымліваецца, узялі і выпрабавалі. Атрымліваецца, кардонная скрынка наскрозь і крэсла наскрозь, атрымліваецца, і зразумела, чаго памёр гэты п'яніца і дэбіл, як яго?
[У гэты момант на запісе чутныя іншыя галасы: «Тарайкоўскі»]
— Так, Тарайкоўскі, так, п'яніца і дэбіл. Ён памёр, вядома, ад гумавай кулі, якая прыляцела яму ў грудзі. Ён стаяў там у майцы, і, я думаю, што з адваротнага боку майкі яна не захрасне.
Расійская зброя, траўматычная зброя, з блізкай адлегласці ад баявой нічым не адрозніваецца, таму што беднаму рускаму чалавеку ад чачэна або ад якога-небудзь дагестанца абараніцца трэба, зразумела, так? Тым больш краіна з халодным кліматам, таму толку там … там больш чым палова ў кажухах ходзіць.
Таму мы звярнуліся. Сказалі, што нам не хапае, атрымліваецца, траўматычнай зброі. Што нам у асноўным, атрымліваецца, даводзіцца вырашаць задачы гумовай палкай ці кулаком. Дзесьці за гэтым, у выключэнні, атрымліваецца, ужываць святлошумавыя гранаты, дзесьці ісці на пэўныя хітрасці па разблакаванні дарог. Але неабходна, вядома, нам траўматычная зброя. І вось, атрымліваецца, па ўказанні кіраўніка дзяржавы набыта, атрымліваецца, 100 пісталетаў: 30 пайшлі ў САХР, 20 пайшлі ў «Алмаз», а 50 пісталетаў перадалі нам.
Калі кудысьці група выязджае, на нескладанае самае, як у нас было, што выехаў Алікевіч, трэба было затрымаць гэтага дэбіла, які на матацыкле ездзіць, і там адбылася сітуацыя, дзе яго «разбілі». Выдатна, атрымліваецца, патрэбныя былі два-тры такія пісталеты. Таму на асабліва складаныя заданні, я, як начальнік, прымаю рашэнне аб дадатковай [незразумела], моц неймаверная ў яго.
Таму, як прэзідэнт казаў, што калі на цябе прэ, калі на цябе прэ — выкарыстоўвай зброю, атрымліваецца, вось несмяротную. Ва ўпор: па нагах, у жывот, па яйках. Каб зразумеў, што ён стварыў і што нарабіў, калі прыйдзе ў прытомнасць. Ну нанёс яму нешта ў такім ну выглядзе: альбо пакалечыць, альбо знявечыць, альбо забіць. Ужываць зброю яму проста ў лоб, проста ў твар, проста туды, пасля чаго ён ужо ніколі, атрымліваецца, не вернецца ў той стан, у якім ён знаходзіўся.
Ну, адкачаюць, так адкачаюць. Не будзе ў яго паловы галаўнога мозгу, ну, туды яму і дарога. Таму што ў асноўным усе тыя, хто выходзіць на вуліцы на гэты момант паўдзельнічаць у рэйкавай вайне, атрымліваецца, тыя, якія блакуюць дарогі, нападаюць на міліцыянтаў, кідаюць кактэйлі Молатава, — тыя ж тэрарысты. Гэта лішнія людзі ў нашай краіне. І гэтаму сёння было прысвечана вельмі-вельмі шмат, на той невялікай нарадзе.
І сёння прэзідэнт сказаў: я ведаю, хто, што. Я ведаю, хто, атрымліваецца, усіх тут заспакоіў, і я ведаю, кажа, на кім у дадзены момант трымаецца, атрымліваецца, парадак у нашай дзяржаве. Калі ў міліцыі ёсць і тыя задачы, якія яна працягвае выконваць, і яна іх паспяхова выконвае, узровень злачыннасці панізіўся, і ў міліцыі ёсць яшчэ задача, атрымліваецца, абараніць усіх: і кіраўніка дзяржавы, і яго асяроддзе, і яго сям'ю — разам са Службай бяспекі, і абараніць дэпутатаў, і асоб, якія кіруюць, атрымліваецца, дзяржавай ад гэтых пагроз, а яшчэ, атрымліваецца, на вуліцах навесці парадак.
Прыйшоў час, калі, атрымліваецца, ніводны супрацоўнік праваахоўных органаў нават, атрымліваецца, амапавец, не павінен выходзіць на масавыя беспарадкі, не маючы з сабой агнястрэльнай зброі. Таму прыйшоў іншы час. Час, атрымліваецца, жорсткіх дзеянняў з аглядкай на, скажам так, палітычныя моманты, бо мы, атрымліваецца, краіна, якая інтэграваная ў сусветную супольнасць і абавязаная выконваць шэраг пэўных дзеянняў для таго, каб мы не выглядалі як ізгоі —вось гэты час, ён скончыўся. Настаў іншы час, і гэта час, атрымліваецца, патрабуе больш маладых, больш рашучых людзей, якія пераступілі праз сябе.
…
Таму міністрам прызначаны Кубракоў Іван Уладзіміравіч, генерал-маёр, сёння яму ўручылі пагоны генерал-лейтэнанта. Гэта вялікі давер і адказнасць для ўсіх супрацоўнікаў органаў унутраных спраў. Не з боку [чалавек], а начальнік ГУУС, які на сабе ўсю гэтую справу выцягнуў і сам перажываў. І я скажу, што часам дадому прыйдзеш, спіш, а табе сніцца голас Кубракова і яго каманды ў эфіры.
«Прэзідэнт сказаў яшчэ, што да снежня месяца з усімі вось гэтымі момантамі, якія на вуліцы ёсць, трэба разабрацца і разабрацца жорстка. Усім усё патлумачылі, прапанаваная Канстытуцыя. Ён таксама сказаў, што ён на наступны тэрмін не будзе абірацца. Па-простаму, па-чалавечы, па-мужчынску казаў. [Прэзідэнт казаў] Я ведаю, што калі я цяпер, атрымліваецца, паддамся на гэтыя ўгаворы і пайду, ім усім канец, іх проста знішчаць, знішчаць і многіх тут прысутных у зале. Будуць рабіць люстрацыі, будуць рабіць здзекі. Усё, што напісана: што прыйдзем, усё паламаем — гэта ўсё ажыццявіцца. Што ГУБАЗ расфармуюць, унутраныя войскі расфармуюць, АМАП паставяць на калені, зняважыць і гэтак далей, і многіх іншых, каго толькі яны палічаць. Таму сказана навесці парадак, і парадак будзе наведзены. Вось устаноўкі кіраўніка дзяржавы. Каб было, атрымліваецца, камандзіры давялі і паставілі задачу — вось яно: нам далі зброю ў рукі, яна ў нас ёсць.
Ствараецца база даных. У гэтай базе даных, хто трапіў другі раз, той павінен там і застацца. Сказана распрацаваць, зрабіць лагер, зрабіць лагер, ну не для ваеннапалонных, не для інтэрнаваных нават, а лагер для асабліва востракапытных, такі для адсялення. І паставіць калючы дрот, атрымліваецца, па перыметры. Два памяшканні зрабіць: топка — паверх, кармілі — паверх, каб працавалі. Але там іх трымаць, пакуль усё не супакоіцца.
Кіраўніком дзяржавы мы прыкрытыя з усіх бакоў у плане прымянення зброі. Па-вар'яцку, кажа, адразу, кажа, вядома, са зброі лупіць не трэба. Трэба, кажа, даць чалавеку шанец у гэтай сітуацыі, каб ён усвядоміў. Але, а калі няма, калі няма, тады, атрымліваецца, ужо секануць, так секануць! Таму што час такі, не каляровая рэвалюцыя — гібрыдная вайна.
І калі мы не выстаім, наступная нагода будзе звязаная з Расійскай Федэрацыяй, развал пойдзе яе, і тады, кажа, мала чаго ад гэтай Беларусі застанецца: падзеляць паміж Літвой, паміж Украінай і паміж Польшчай. Таму нездарма міністр казаў: усё трымаецца на органах унутраных і шэрагу падраздзяленняў — унутраныя войскі, ГУУС, АМАП, наша падраздзяленне і вышук з намі. Вось, у прынцыпе, коратка.
Сказаў, што ўсіх узнагародзяць [30 снежня 2020 года Аляксандр Лукашэнка ўручыў узнагароды праваахоўнікам, у тым ліку Мікалаю Карпянкову], сказаў, што калі нават будуць тысячы ўзнагарод, то тых, хто атрымліваецца, будуць у прамых сутыкненнях, узнагародзіць ордэнам «За асабістую мужнасць». Тых, хто быў, атрымліваецца, быў у сутыкненнях, выконваў задачы, стойка пераносіў нягоды і пазбаўлення, прадставіць да ўзнагароджання медалём «За адзнаку ў ахове грамадскага парадку». Нават калі, кажа, гэта будуць тысячы, я, кажа, гэтыя ўзнагароды падпішу. Вось, у прынцыпе, тое, што сёння прэзідэнт гаварыў.
