Пяць студэнтаў і тры выкладчыкі з Беларусі будуць працаваць ва Універсітэце імя Францішка Палацкага ў Оламаўцы ў наступным семестры, дзякуючы адмысловым стыпендыям, піша Радыё Свабода.
«Мы вырашылі дапамагчы беларусам адразу пасля таго, як у іх краіне пачалася хваля антыўрадавых пратэстаў і рэпрэсій. Я надзвычай рады, што нам удалося тэхнічна завяршыць усю справу за такі кароткі час», — сказаў сайту iDNES.cz рэктар Яраслаў Мілер.
Універсітэт у Оламаўцы выдзеліў амаль 900 000 крон (42 тысячы даляраў) на спецыяльныя стыпендыі. Дзякуючы ім беларускія студэнты пабудуць ва ўніверсітэце чатыры месяцы, а навукоўцы — адзін месяц.
0
0
0
0
0
0
