The Sun
8 чэрвеня Ніл Пэйн і яго жонка Леса аддалі трохгадовага Гарфілда іншай сям'і. Аднак 20 чэрвеня кот збег ад новых уладальнікаў, якія пражываюць на поўначы Лондана. Праз паўтара месяца, 30 ліпеня, гадаванец апынуўся ў вёсцы Шылінгтан на парозе дома Пэйнаў, піша The Sun.
«Гэта неверагодна. Ён глядзеў на мяне і плакаў.
Я спачатку не паверыў, што гэта ён. Леса падышла да дзвярэй, паклікала яго па мянушцы, і ён скокнуў на яе. Гэта проста дзіўна. Ён пераадолеў больш за 64 кіламетры, каб знайсці нас, — распавядае Ніл. — Я не разумею, як кот, які ніколі не выходзіў на вуліцу, змог вярнуцца дадому».
The Sun
Муж і жонка вырашылі пакінуць Гарфілда ў сябе. «Цяпер мы не можам аддаць яго — ён даказаў, што яго месца тут», — падкрэслівае Ніл.
