Фота Надзеі Бужан
Пра гэта паведаміў сёння журналістам міністр аховы здароўя Уладзімір Каранік, піша БелТА.
«Сітуацыя ўсюды кіраваная. Мы не саслабляем кантроль. Ва ўсіх рэгіёнах мы бачым не толькі стабільную сітуацыю, але і стабільнае зніжэнне колькасці хворых. У рэгіёнах, якія ўваходзілі пазней у эпідпрацэс, лічбы крыху вышэйшыя, чым у іншых. Але ўстойлівае зніжэнне колькасці пацыентаў з пнеўманіяй, так і каранавіруснай інфекцыі мы назіраем паўсюдна ў краіне ўжо на працягу некалькіх тыдняў», - сказаў Уладзімір Каранік.
Па стане на ўчорашні дзень, у Беларусі за ўвесь час зарэгістравана 66 348 выпадкаў каранавіруса, учора было зафіксавана 135 выпадкаў (але колькасць тэстаў склала ўсяго 2897), у панядзелак — 118 выпадкаў (пры 6 155 тэстаў).
