Амерыканскі рэпер і муж тэлезоркі Кім Кардаш'ян Канье Уэст, які зарэгістраваўся кандыдатам у прэзідэнты ЗША ў выбарчай камісіі штата Аклахома, правёў сваю першую сустрэчу з публікай, піша rbc.ru.
Сустрэча прайшла ў горадзе Норт-Чарльстан (штат Паўднёвая Караліна). Выканаўца быў у бронекамізэльцы з надпісам «Security», а на яго патыліцы была выгаленая лічба 2020. Падчас выступу ён закрануў некалькі розных тэм, у ліку якіх — міжнародны гандаль, ліцэнзійныя правы, а таксама аборты.
Гаворачы пра аборты, Уэст распавёў пра тое, што яго бацька быў супраць яго нараджэння, аднак маці захавала яму жыццё.
«Не было б Канье Уэста, бо мой бацька быў занадта заняты», — сказаў ён. Пасля гэтых слоў музыка расплакаўся.
На думку Уэста, тыя, хто нараджаюць, павінны атрымліваць матэрыяльную падтрымку.
«Кожнай, у каго нараджаецца дзіця, — мільён даляраў. У мяне няма фінансавання для гэтага, але ў мяне ёсць платформа, каб вылучыць ідэю», — сказаў Уэст.
Канье Уэст абвясціў пра намер балатавацца ў прэзідэнты ЗША ў пачатку ліпеня.
Федэральная выбарчая камісія ЗША прыняла да разгляду заяўку Уэста на рэгістрацыю ў якасці кандыдата ў прэзідэнты ад створанай ім партыі the Birthday Party («партыя дня нараджэння» або «вечарына ў гонар дня нараджэння» - англ.).
Дзейны амерыканскі прэзідэнт Дональд Трамп ухваліў жаданне музыканта вылучацца ў прэзідэнты.
