25 чэрвеня ў Жыткавічах 61-гадовага мужчыну асудзілі за жорсткае абыходжанне з жывёлай, распавялі ў Вярхоўным судзе.
20 красавіка мужчына ў двары дома на вул. Сонечная ў аграгарадку Дуброва, «дзейнічаючы з нізкіх памкненняў (помсты), ігнаруючы прынцыпы агульначалавечай маралі і гуманнага абыходжання з жывёламі, праяўляючы неапраўданую агрэсію і жорсткасць», засек сякерай чужога сабаку.
Ён прызнаны вінаватым у жорсткім абыходжанні з жывёлай, якое пацягнула яе калецтва, здзейсненае з іншых нізінных падахвочванняў. Яму прызначаны штраф у 40 базавых велічынь — 1080 рублёў.
Прысуд у законную сілу не ўступіў.
0
0
0
0
0
0
