32-гадовы баскетбаліст зборнай Беларусі і піцерскага «Спартака» Мікіта Мешчаракоў адрэагаваў у інстаграме на палітычную сітуацыю ў краіне.
Мікіта Мешчаракоў, фота БелТА.
«Гульня без правілаў… Кандыдатаў саджаюць за краты, людзям затыкаюць рот. Гэта не Беларусь будучыні. Аляксандр Рыгоравіч — вы не мой прэзідэнт», — напісаў Мешчаракоў, праілюстраваўшы допіс здымкам арыштаванага Віктара Бабарыкі. Яго пост за некалькі гадзін сабраў амаль 800 лайкаў.
Мікіта Мешчаракоў — малодшы брат Ягора Мешчаракова, які пяць разоў прызнаваўся найлепшым баскетбалістам Беларусі (1998, 2000, 2001, 2008 і 2009).
