У дадатак да затрыманых раней актывістаў кампаніі супраць будаўніцтва завода АКБ Дзмітрыя Бекалюка і Аляксандра Кабанава супрацоўнікі міліцыі затрымалі сёння яшчэ аднаго праціўніка будаўніцтва акумулятарнага завода, піша spring96.org.
Як паведамляе праваабаронца Уладзімір Вялічкін, раніцай па дарозе на вёску затрымалі экаактывіста Зміцера Андрасюка:
«Па дарозе на вёску затрымалі экаактывіста Зміцера Андрасюка. Ад самай хаты за машынай, у якой ён ехаў, прычапілася машына з людзьмі, аднаго з якіх ён ведаў як міліцыянта».
Зміцер Андрасюк таксама прымаў удзел у «нядзельным кармленні галубоў» на плошчы Леніна ў Берасці.
0
0
0
0
0
0
