Беларускія біятланісты Ганна Сола і Мікіта Лабастаў занялі 15-е месца ў адзіночнай змяшанай эстафеце на чэмпіянаце свету ў Антхольцы (Італія).
Пераможцы гонкі — нарвежцы Ёханэс Бё і Мартэ Олсбю-Ройселан, пара пераадолела дыстанцыю за 34 хвіліны 19,9 секунды (0+6). Другое месца дасталася камандзе з Германіі (Эрык Лесер і Францыска Пройс) — адставанне ад пераможцаў 17,6 секунды (0+5). Замкнулі тройку лідараў французскія біятланісты Эмільен Жакелен і Анаіс Бескон, якія адсталі ад нарвежцаў на 29,8 сек. (0 + 4).
Беларускі дуэт саступіў лідарам 2 хвіліны 11,6 секунды, выкарыстаўшы ў суме 13 дадатковых патронаў. Усяго на гонку заяўляліся 30 дружын.
0
0
0
0
0
0
