Беларуская сацыял-дэмакратычная партыя, Рух «За Свабоду» і партыя «Зялёныя» падалі сумесную заяўку на святкаванне гадавіны абвяшчэння БНР.
Як расказаў «Нашай Ніве» лідар сацыял-дэмакратаў Ігар Барысаў, палітыкі разлічваюць правесці святочны мітынг-канцэрт на 10 тысяч слухачоў у нядзелю, 22 сакавіка.
Месца, на якое пададзеная заяўка, называць пакуль нельга — летась арганізатарам адмовілі менавіта з гэтай прычыны.
Барысаў тлумачыць, што для правядзення святкавання выбралі моднае тусовачнае месца Мінска, дзе раней праходзілі многія канцэрты.
БНР-100 у цэнтры Мінска. Фота Сяргея Гудзіліна
Раней апазіцыянеры ўжо прасілі для святкавання БНР-102 адну з трох пляцовак у цэнтры Мінска — на плошчы Свабоды, каля Опернага тэатра і каля Палацу спорту, — аднак ім адмовілі.
Тым часам працягваецца збор грошай на правядзенне БНР-102. Праўда, пакуль сабралі толькі 1545 рублёў.
