У Брэсце мужчына аплаціў паездку на таксі сувенірным пісталетам-кулямётам, паведамляе БелТА.
Выпадак адбыўся 17 снежня 2019 года. У Маскоўскі РАУС Брэста звярнуўся таксіст. Ён расказаў, што яго пасажыр замест грошай за праезд пакінуў у салоне аўтамабіля пісталет-кулямёт. Невядомы мужчына папрасіў пачакаць каля дома, пакуль ён сходзіць за грашыма для аплаты паездкі. Праз некаторы час пасажыр вярнуўся з прадметам, падобным да зброі, і аддаў яго кіроўцу.
Спецыяліст высветліў, што выраб з'яўляецца макетам пісталета-кулямёта Судаева ўзору 1943 года.
Пасажырам аказаўся 57-гадовы берасцеец. Мужчына растлумачыў, што ў той момант у яго не было грошай, таму аплаціць паездку вырашыў сувенірнай зброяй.
0
0
0
0
0
0
