Фота ДАІ
ДТЗ адбылося на вуліцы Казлова каля 5:10 раніцы, паведамляе Звязда.
23-гадовы малады чалавек, кіруючы каршэрынгавым «Фольксвагенам Пола», рухаўся з плошчы Змітрака Бядулі ў напрамку вуліцы Казлова, на закругленні дарогі не справіўся з кіраваннем і заехаў у металічную агароджу трамвайнага прыпынку.
Кіроўца не пацярпеў: у машыне спрацавалі падушкі бяспекі. Аўтамабіль атрымаў сур'ёзныя механічныя пашкоджанні.
Кіроўца знаходзіўся ў стане алкагольнага ап'янення. Пры правядзенні медыцынскага агляду ў выдыханым паветры парушальніка выяўлена 1,6 праміле алкаголю. Па словах маладога чалавека, ноччу ён святкаваў дзень нараджэнне сябра і ужыў паўлітра віскі. Пасля здзяйснення дарожнай аварыі хлопец заснуў у службовым аўтамабілі ДАІ.
