Кіраўнік Карэліцкага раёна Віктар Шайбак пакінуў сваю пасаду. Інфармацыю Tut.by пацвердзілі ў Карэліцкім райвыканкаме.

Фота: grodnonews.by.

Фота: grodnonews.by.

— Віктар Леанідавіч вызвалены ад займаемай пасады па ўласным жаданні, — паведамілі ў райвыканкаме.

Інфармацыю пра кіраўніка раёна выдалілі з афіцыйнага сайта мясцовай улады.

Прычына, па якой звольніўся Віктар Шайбак, невядомая. Аднак некалькі дзён таму мясцовы рэсурс s13.ru паведамляў са спасылкай на крыніцы ў Гродзенскім аблвыканкаме і Карэліцкім райвыканкаме, што кіраўнік ільняной сталіцы рэгіёну папаўся за рулём нападпітку. Ці звязана звальненне з гэтай сітуацыяй — невядома.

І ў ДАІ рэгіёну, і ў МУС TUT.BY гэтую інфармацыю не пацвердзілі і не абверглі, спаслаўшыся на тое, што інфармацыі аб усіх затрыманых п'янымі за рулём кіроўцах у іх, маўляў, няма.

Віктар Шайбак узначальваў Карэліцкі раён з 2007 года. Да гэтага ён працаваў першым намеснікам старшыні мясцовага райвыканкама. Быў таксама дырэктарам ААТ «Карэліцкая сельгастэхніка», працаваў на розных пасадах мясцовага калгаса «Маяк».

Клас
Панылы сорам
Ха-ха
Ого
Сумна
Абуральна

Хочаш падзяліцца важнай інфармацыяй ананімна і канфідэнцыйна?