Сітуацыя з экспартам па выніках студзеня-жніўня 2019 года няпростая і не можа задавальняць, заявіў сёння прэм'ер Сяргей Румас на пасяджэнні Рады Міністраў.
«Экспарт не дасягнуў узроўню аналагічнага перыяду мінулага года, тэмп росту экспарту тавараў — 96,9%. Шмат пытанняў да міністраў, губернатараў, сур'ёзна недапрацоўвае Міністэрства замежных спраў і кіраўнікі замежных устаноў», — адзначыў Сяргей Румас.
Калі ачысціць экспарт тавараў ад нафтавай групы, то тэмп росту складае 100,9%, аднак, на думку прэм'ера, гэта не павінна служыць ні для каго заспакаеннем.
Учора былі атрыманы папярэднія вынікі работы эканомікі за 9 месяцаў — рост працягвае запавольвацца (папярэдне 101% па выніках студзеня-верасня). «І гэта нягледзячы на дзяржаўную падтрымку і запэўніванні кіраўнікоў міністэрстваў пра тое, што зацверджаныя планы будуць выкананы. Калі няма вытворчасці, як можа расці экспарт? Гэта ж узаемазвязаныя пытанні. Кіраўнікі павінны несці адказнасць за свае словы і абавязацельствы», — падкрэсліў Румас.
