Гвалтаўнік з Мікашэвіч абраў ахвярай 44-гадовую жанчыну, якая раніцай, калі яшчэ было цёмна, ішла на цягнік, паведамляе Медыя-Палессе.
Дачку праводзіла маці. Затым жанчыны рассталіся, і, не паспеўшы далёка адысці, маці пачула крыкі дачкі. Яна кінулася назад і стала клікаць на дапамогу, а таксама выклікала міліцыю.
Гвалтаўнік да гэтага часу сцягнуў з ахвяры джынсы і бялізну. Але, спалохаўшыся, збег.
Праз некалькі хвілін на месца злачынства прыехалі міліцыянеры. Разам з пацярпелай яны сталі аб'язджаць вуліцы і аглядаць мясціны.
Падазраваны схаваўся ў яры, непадалёк ад вакзала, дзе яго і знайшлі. Яго даставілі ў Мікашэвіцкае аддзяленне міліцыі, а затым змясцілі ў ізалятар.
Як стала вядома Медыя-Палессю, Лунінецкі райаддзел Следчага камітэта распачаў крымінальную справу па артыкуле «Замах на згвалтаванне» КК РБ. Падазраванаму можа пагражаць пакаранне аж да сямі гадоў пазбаўлення волі.
