president.gov.by
На селектарнай нарадзе Аляксандр Лукашэнка даручыў міністру ўнутраных спраў Юрыю Караеву гарантаваць парадак і бяспеку падчас уборачнай кампаніі, паведамляе прэс-служба
«Юрый Хаджымуратавіч, калі ласка, падключыцеся да гэтага працэсу. Зрабіце, як вы правялі II Еўрапейскія гульні: нідзе не было відаць міліцыі, а парадак быў ідэальным», — паставіў кіраўнік дзяржавы задачу міністру ўнутраных спраў.
Асаблівую ўвагу Аляксандр Лукашэнка звярнуў на прафілактыку ДТЗ, учыненых па віне нецвярозых кіроўцаў: «П'яніц дастаткова. Законы дазваляюць з імі разабрацца як след, асабліва ва ўборачную кампанію. Сеў за руль у п'яным выглядзе - галаву згубіў. Бо ён паслязаўтра загубіць некалькі чалавек».
