30 мая амаль 5 мільёнаў інстаграм-карыстальнікаў даведаліся некалькі беларускіх слоў і атрымалі запрашэнні ў Беларусь. Папулярныя блогеры — Дзіма Ермузевіч, Юля Гадунова, Улад Шудзейка і Ільдар Хабібулін — распавялі сваім падпісчыкам пра тое, што ім падабаецца ў нашай краіне, а Улад Бумага нагадаў, як правільна яна называецца.
Блогеры прызнаюцца, што натхніліся кампаніяй брэнда «Белы полюс», які вучыць замежнікаў беларускім словам на пакунках валошкавага марожанага і ў інстаграм-профілі @belypolus. Ініцыятар праекта плануе таксама размясціць білборды з беларускімі фразамі і іх перакладам на ангельскую мову ў аэрапорце, ля чыгуначнага вакзала і ў іншых месцах канцэнтрацыі замежнікаў. Як адзначае намеснік дырэктара па маркетынгу «Белага полюса» Максім Журовіч, мэта такой кампаніі — пазнаёміць замежніка з Беларуссю праз усе «моўныя рэцэптары»: як васільковае марожанае, так і словы на беларускай мове.
«Калі замежнікі прыязджаюць у нашу краіну, ім тут жа прапануюць паехаць у Нясвіжскі замак і пакаштаваць дранікі, — каментуе Максім Журовіч. — Мы любім класіку, але адкрываем турыстам розныя бакі Беларусі. Хочам, каб замежнік у камплекце з магніцікам павёз з сабой каларытную беларускую фразу, прамаўляючы якую, успамінаў бы смак і характар нашай краіны. Таму праводзім лікбез, запрашаем у Беларусь замежнікаў і дзякуем усім лідарам меркаванняў, якія падтрымалі і яшчэ падтрымаюць нас у гэтай справе».
Даведка
Васільковае марозіва «Белы полюс Валошка» — пламбір з даданнем кветак васілька і насення лёну ў жытнім кубачку. Васілёк, жыта і лён — папулярныя культурныя сімвалы Беларусі: сёння, як і тысячы гадоў назад, яны кожны год прарастаюць на мясцовых палях. Задумка вытворцаў — стварыць нацыянальны дэсерт, які турыст паспрабуе толькі ў Беларусі і ў літаральным сэнсе адчуе краіну на смак.
