Фота Pixabay.
Архіепархія іракскага Эрбіля (сталіца Курдыстана) заявіла, што Вялікабрытанія адмаўляецца абараняць яе правы нягледзячы на тое, што гэтая суполка знаходзяцца на мяжы знікнення, піша BBC.
Святар Башар Варда, выступаючы ў Лондане, сказаў, што іракскія хрысціяне цяпер знаходзяцца на мяжы знікнення пасля 1400 гадоў ганенняў. Паводле яго слоў, колькасць хрысціян у Іраку знізілася на 83 адсоткі пасля ўварвання амерыканскіх войскаў у 2003 годзе. Іх колькасць скарацілася з 1,5 мільёна да 250 тысяч чалавек.
«Хрысціянства ў Іраку — адна з найстарэйшых цэркваў, калі не самая старая царква ў свеце, небяспечна блізкая да знікнення. Тыя з нас, хто застанецца, павінны быць гатовыя да пакутніцтва», — заявіў Варда. У якасці пагроз ён адзначыў ісламскіх экстрэмістаў рознага кшталту.
Арцыбіскуп абвінаваціў хрысціянскіх лідараў Брытаніі ў «паліткарэктнасці» па гэтым пытанні — ён назваў няздольнасць асудзіць экстрэмізм «ракам», заявіўшы, што яны недастаткова гучна выказваліся, баючыся абвінавачванняў у ісламафобіі.
«Вы будзеце працягваць патураць гэтаму бясконцаму, арганізаванаму пераследу супраць нас?» — ён сказаў, — Калі наступная хваля гвалту ўдарыць па нас, ці будзе хоць нехта ў вашых кампусах праводзіць дэманстрацыі і насіць надпісы «Мы ўсе хрысціяне»?»
