Сярэдні заробак у Беларусі ў красавіку склаў 1074 рублі (у сакавіку — 1056,9 рубля), паведаміў прэм'ер-міністр Сяргей Румас сёння на пасяджэнні Саўміна, піша БелТА
За чатыры месяцы з пачатку года сярэдні заробак склаў 1026 рублёў.
Рэальныя даходы насельніцтва ў I квартале прыраслі на 7,3%. Рэальная заработная плата вырасла на 7,8%, у тым ліку ў бюджэтнай сферы - на 6,8%.
Па словах Сяргея Румаса, урад асаблівую ўвагу будзе надаваць арганізацыям з нізкім узроўнем аплаты працы. «На жаль, у краіне ёсць яшчэ прадпрыемствы, дзе сярэдні заробак не дасягае і 400 рублёў. Таму, як мы дамаўляліся, да канца I паўгоддзя ў краіне такіх прадпрыемстваў быць не павінна», - сказаў прэм'ер-міністр.
0
0
0
0
0
0
