Суд Маскоўскага раёна Мінска вынес прысуд жыхару Мінска за ілжывае мініраванне станцыі метро «Малінаўка», мужчына атрымаў буйны штраф.
Мінчанін прызнаны вінаватым у заведама ілжывым паведамленні пра выбух, які стварае небяспеку для жыцця і здароўя людзей. Суд прызначыў яму штраф у памеры 500 базавых. Аднак, улічваючы тэрмін утрымання пад вартай, пакаранне фігуранту змякчылі да 200 базавых (5,1 тысячы рублёў). Мужчына таксама павінен прайсці прымусовае лячэнне ад наркаманіі.
15 сакавіка на канцавой станцыі «Малінаўка» п'яны 24-гадовы мінчанін адмовіўся пакідаць вагон і пасварыўся з-за гэтага з дзяжурнай па прыёме і адпраўленні цягнікоў. У ходзе канфлікту пасажыр сцвярджаў, што заклаў бомбу ў метро, а супрацоўнікам службы бяспекі заявіў пра выбуховае прыстасаванне ў сваім заплечніку. Пры аглядзе тэрыторыі метрапалітэна і асабістых рэчаў затрыманага ніякіх забароненых прадметаў не выявілі.
