Аб'ём прамысловай вытворчасці ў Беларусі ў студзені-верасні ў цяперашніх цэнах склаў 80,5 мільярда рублёў, ці ў супастаўных цэнах 106,8% да ўзроўню студзеня-верасня 2017 года, паведамляе Белстат.
Прамысловая вытворчасць у горназдабыўной прамысловасці павялічылася на 3,6%; у апрацоўчай прамысловасці — на 6,9%; у забеспячэнні электраэнергіяй, газам, парай, гарачай вадой і кандыцыянаваным паветрам — на 7,7%; у водазабеспячэнні, зборы, апрацоўцы і выдаленні адходаў, дзейнасці па ліквідацыі забруджванняў — на 0,3%.
Індэкс прамысловай вытворчасці за верасень 2018 года да верасня 2017-га склаў 104,4%.
