У Віцебску 24-гадовую жанчыну, якая прадавала ў інтэрнэце неіснуючыя шубы, прысудзілі да трох гадоў пазбаўлення волі, паведамляе БелТА.

Фота: flickr.

Фота: flickr.

Жанчына з лістапада па снежань 2017 года стварала на інтэрнэт-пляцоўцы старонкі, на якіх размяшчала аб'явы аб продажы футраў. Калі пакупнікі пераводзілі на банкаўскую картку грошы, яна атрымлівала іх, а шубы нікому так і не адпраўляла. Пацярпелыя пераводзілі махлярцы сумы ад 75 да 400 рублёў.

Акрамя таго, віцябчанка ў снежні 2016 года ўгаварыла знаёмую аформіць для яе растэрміноўку на мабільны тэлефон коштам больш за 360 рублёў, запэўніваючы, што сама выплаціць доўг. Аднак жанчына растэрміноўку не сплаціла.

Таксама яна здала ў ламбард фотакамеру Canon, якую пазычыла ў знаёмага.

Суд Першамайскага раёна Віцебска прыгаварыў жанчыну да 3 гадоў калоніі без канфіскацыі маёмасці. Акрамя таго, яна выплаціла маральную кампенсацыю і пакрыла страту 33 асобам.

Клас
Панылы сорам
Ха-ха
Ого
Сумна
Абуральна