На Вілейшчыне ўжо ёсць ачагі паражэння леса жукамі-караедамі.
Вілейскія лесаводы ўвесь час праводзяць агляд лесу. Найбольшыя плошчы караеднага засыхання сустракаюцца ў Ільянскім, Вязынскім, Вілейскім доследна-вытворчым, Старынкаўскім лясніцтвах.
Як і на Маладзечаншчыне, са шкоднікам тут змагаюцца пры дапамозе санітарных высечак.
Вілейскія лесаводы рэгулярна дапамагаюць ратаваць ад караеда лясы ў Старобінскім раёне.
