2 красавіка — Міжнародны дзень дзіцячай кнігі. З гэтай нагоды на сайце halijafy.by можна замовіць любую дзіцячую кнігу са зніжкай 15% па прома-кодзе «кніга».
Выданне якаснай літаратуры для дзяцей і падлеткаў — адзін з асноўных кірункаў дзейнасці выдавецтва. І таму «Галіяфы» робяць усё, каб дзіцячыя кнігі было цікава чытаць, разглядаць і слухаць.
Ніжэй сабраны Топ-3 самых папулярных дзіцячых кніг выдавецтва.
1. «Дзве Авечкі» Вольгі Гапеевай
«Дзве Авечкі» — гэта паэма для дзяцей і дарослых, якія не перасталі ўспрымаць свет дзіцячымі вачыма.
Вольга Гапеева распавядае тры гісторыі, галоўнымі гераінямі якіх з’яўляюцца дзве авечкі. Тут знойдзецца месца для захапляльных падарожжаў і новых сяброў. Выдатныя ілюстрацыі Марты Герашчанка дапамагаюць стварыць чароўную атмасферу казачнага свету.
У якасці дадатку ў кніжку ўключаны ілюстрацыйны слоўнік, які можа выкарыстоўвацца як лемантар.
2. «Летняя Азбука» Ганны Галавіной
Кнiга адрасаваная дзеткам дашкольнага i малодшага школьнага ўзросту. Яна дапамагае вывучыць лiтары беларускага алфавiта, а таксама назвы садавiны, гароднiны i кветак.
Невялiкiя вершы лёгка запамiнаюцца. Дарослыя могуць iх чытаць маленькiм у дарозе, перад сном, падчас сняданку на свежым паветры i проста калi заўгодна.
3. «Скрозь люстэрка, і што ўбачыла там Аліса» Льюіса Кэрала
Сусветна вядомая казка Льюіса Кэрала «Скрозь люстэрка, і што ўбачыла там Аліса», адзін з самых загадкавых твораў класічнай літаратуры Вялікабрытаніі, ужо другое стагоддзе вабіць як дзяцей, якім яна непасрэдна прызначалася, так і дарослых.
У гэтым выданні змешчаны пераклад казкі, выкананы Верай Бурлак. Арыгінальныя ілюстрацыі Кацярыны Дубовік суправаджаюць у падарожжы ў Залюстэркавы свет і дазваляюць адчуць сябе ўдзельнікам фантастычнай гульні — шахматнай партыі, разыгранай Льюісам Кэралам.
