Супрацоўнікі дарожнай службы ў горадзе Вязьма Смаленскай вобласці пачалі рамантаваць дарогу пры дапамозе снегу. Правядзенне работ патрапіла на відэа, якое апублікавана ў групе «Важнае у Смаленску» ва «Укантакце».
Па словах аўтара роліка, відэа было знята ў пятніцу, 2 сакавіка. На кадрах бачна, як ямы на дарозе засыпаюць асфальтам ўперамешку са снегам. Пасля гэтага работнікі ўтрамбоўваюць яму, некалькі разоў праязджаючы па «адрамантаваным» участку на «КамАЗе».