Аляксандр Лукашэнка сёння возьме ўдзел ва ўрачыстым ушанаванні перадавікоў аграпрамысловага комплексу. Пра гэта паведамілі БелТА ў прэс-службе беларускага кіраўніка.
«Гэтае мерапрыемства стане працягам традыцыі на рэспубліканскім узроўні падводзіць вынікі працы ўсіх сфер АПК, ушаноўваць лепшыя рэгіёны, гаспадаркі, работнікаў і адзначаць свята ўраджаю», — адзначылі ў прэс-службе.
На ўрачыстую цырымонію запрошаныя больш за 400 чалавек, у тым ліку найвышэйшыя службовыя асобы, кіраўнікі міністэрстваў і ведамстваў, мясцовых органаў улады.
