Беларускі лыжнік Сяргей Далідовіч, да якога павінна была перайсці бронза 50-кіламетровага марафона Алімпійскіх гульняў 2014 года ў Сочы, усё ж не атрымае гэты медаль, паведамляе sport.tut.by.

1 лютага стала вядома, што Спартыўны арбітражны суд (CAS) у Лазане адмяніў пажыццёвую дыскваліфікацыю 28 расійскіх спартоўцаў ад Алімпійскіх гульняў і пастанавіў вярнуць ім медалі, заваяваныя ў Сочы-2014.

Сярод тых, чые апеляцыі CAS задаволіў, ёсць і медалісты лыжнай гонкі на 50 км на Алімпіяды-2014 Аляксандр Лягкоў (золата) і Максім Вылягжанін (срэбра).

Такім чынам, бронзавым прызёрам застаецца расіянін Ілля Чарнавус, якому магло трапіць золата пасля дыскваліфікацыі калегаў па камандзе.

Нарвежац Марцін Ёнсруд Сундбю, які мог атрымаць срэбра, застаўся на 4-м радку, беларус Сяргей Далідовіч — на 5-м (гэта яго найлепшы вынік на Алімпіядах).

Клас
Панылы сорам
Ха-ха
Ого
Сумна
Абуральна
Каб пакінуць каментар, калі ласка, актывуйце JavaScript у наладах свайго браўзеру