Пра гэта паведамілі першымі ў акаўнце ЧП-Гомель
«На Прыпяцкім мосце пантонная пераправа паплыла па цячэнні. З-за патоку лёду не вытрымалі тросы пантоннага моста».
У той момант на мосце нікога — ні аўтамабіляў, ні людзей — не было.
«З-за рэзкага змянення ўмоў надвор'я аказалася сарваным мацаванне моста. Прымаюцца меры па аднаўленні. Плануецца, што пераправа будзе адноўленая на працягу дня», — распавёў БелТА начальнік упраўлення інфармацыі Міністэрства абароны Уладзімір Макараў.
Нагадаем, што 7 снежня стала вядома, што амаль 900-метровы мост цераз Прыпяць трэснуў і прасеў, у выніку рух транспарту і пешаходаў быў спынены. Каб ехаць у аб'езд, трэба было праехаць дадатковыя 250 кіламетраў.
10 снежня вайскоўцы навялі пантонную пераправу, праз якую пусцілі транспарт.
