Камера перажыла вывяржэнне вулкана і зняла ўнікальныя кадры ВІДЭА 2
Жыхар Гавайскіх выспаў і па сумяшчальніцтве гід Эрык Шторм усталяваў камеру GoPro ў невялікай расколіне наўпрост перад патокам лавы, каб зняць расплаўленую магму з блізкай адлегласці. Распавядаючы сваёй тургрупе гісторыю вулкана, ён цалкам забыўся пра камеру.
Калі Эрык узгадаў пра камеру, яе ўжо паглынула лава. Ён выцягнуў гаджэт з дапамогай малатка, а дома заўважыў, што ўнутраная частка камеры не пашкодзілася, а знятае відэа атрымалася проста неверагодным.
