Напярэдадні Міжнароднага дня роднай мовы ў Міністэрстве замежных спраў Беларусі пры ўдзеле Дзяржаўнага літаратурнага музея Янкі Купалы прайшла акцыя «Чытаем Купалу разам». Дыпламаты шэрагу еўрапейскіх краін, а таксама Індыі, Палестыны і кіраўнік прадстаўніцтва ПРААН у Беларусі прачыталі ўрыўкі з любоўнай лірыкі самага вядомага беларускага паэта.
Міністр замежных спраў Беларусі Уладзімір Макей у прывітальным слове адзначыў, што гэтае свята - асаблівы для кожнага дыпламата, які павінен не толькі паважаць і любіць родную мову, але і з павагай ставіцца да мовы краіны свайго знаходжання.
Першым пасля міністра да мікрафону выйшаў кіраўнік прадстаўніцтва ПРААН у Беларусі Санака Самарасінха, услед за імі Купалу чыталі і амбасадар Вялікабрытаніі ў Беларусі, якая зусім нядаўна прыбыла ў краіну, Фіёна Гіб, кіраўнік прадстаўніцтва пасольства Фінляндыі ў Беларусі Лаўры Пулола, першы сакратар амбасады Бразіліі Даніла Тэафіла Коста і многія іншыя. Яны дэкламавалі вядомыя вершы беларускага класіка «Яна і я», «У зялёным садочку», «Аб дзяўчыне», «Пакахай мяне, дзяўчынка» і іншых.
У 2016 годзе адзначаецца стагоддзе вянчання Івана Луцэвіча (Янкі Купалы) і Уладзіславы Станкевіч, таму выбар упаў на вершы пра каханне. Паслы абмяняліся віншаваннямі з нагоды Міжнароднага дня роднай мовы і некаторыя нават дэманстравалі, як запісалі беларускамоўныя вершы літарамі родных алфавітаў.
