Прэм'ер-міністр Швецыі абвінаваціў паліцыю краіны ў тым, што яна здзейсніла здраду ў дачыненні да маладых жанчын, ігнаруючы на працягу апошніх двух гадоў паведамленні аб сэксуальных дамаганнях падчас Стакгольмскага музычнага фестывалю.
Стэфан Лёвэн запатрабаваў растлумачыць, чаму пададзеныя заявы не рэгістраваліся, і чаму паліцыя не апавясціла пра гэтыя факты грамадства.
Расследаванне, праведзенае журналістамі шведскай газеты Dagens Nyheter і апублікаванае ў мінулыя выходныя, паказала, што групы маладых мужчын, многія з якіх былі імігрантамі, прыставалі да дзяўчат на фестывалі ў Стакгольме ў 2014 і 2015 гадах.
Кіраўнік паліцыі Швецыі Дан Эліясан паабяцаў правесці ўнутранае расследаванне з нагоды гэтых сцвярджэнняў журналістаў.
Нагадаем, Германію ахапіла хваля пратэстаў з-за нападаў мігрантаў на жанчын у навагоднюю ноч.
