Новыя тэмпературныя рэкорды зафіксаваныя ў шэрагу беларускіх гарадоў у апошнія двое сутак. 10 жніўня ў Гомелі паветра прагрэлася да 34 градусаў і гэта на 1,8 градуса болей за абсалютны максімум для гэтай даты, зафіксаваны два гады таму.
У Магілёве ў панядзелак слупок тэрмометра падняўся да адзнакі 32,9 градуса вышэй за нуль і гэта таксама на 1,2 градуса пераўзышло рэкордны паказнік 1992 года. У аўторак тут таксама быў новы рэкорд дня — 34,2 градуса (раней найбольшым значэннем было 33,8 градуса ў 1992 годзе).
Найбольшая гарачыня 11 жніўня стаяла ў Пінску — 35,8 градуса. І гэта таксама рэкорд дня (раней было 33,9 у 1992 годзе).
Сёння, 12 жніўня на большай частцы тэрыторыі чакаецца 35-36 градусаў вышэй за нуль і сіноптыкі прагназуюць новыя тэмпературныя рэкорды, паведамляе БелаПАН.