Міністэрства сельскай гаспадаркі РФ ужо пачало рыхтаваць прапановы па ўвядзенні харчовага эмбарга супраць краін, якія далучыліся да санкцый ЕС супраць Расіі, паведамілі ў прэс-службе міністэрства.

«У цяперашні час прапрацоўваюцца прапановы ва ўрадзе РФ у дачыненні да сямі краін, ужо прапрацоўваецца праект пастановы», — паведамілі ў прэс-службе. Дакладнай даты гатоўнасці дакумента пакуль няма.

Раней у аўторак прэм'ер-міністр РФ Дзмітрый Мядзведзеў паведаміў, што ўрад РФ можа звярнуцца да прэзідэнта краіны Уладзіміра Пуціна з просьбай пашырыць спіс дзяржаў, якія трапляюць пад харчовае эмбарга.

Раней Чарнагорыя, Албанія, Ісландыя, Ліхтэнштэйн, Нарвегія і Украіна далучыліся да падоўжаных эканамічных санкцый ЕС у дачыненні да РФ.

У Мінсельгасе паведамілі, што пытанне аб увядзенні контрзахадаў прапрацоўваецца таксама ў дачыненні да Грузіі. «Спіс краін удакладняецца», — сказаў прадстаўнік міністэрства.

Клас
Панылы сорам
Ха-ха
Ого
Сумна
Абуральна

Хочаш падзяліцца важнай інфармацыяй ананімна і канфідэнцыйна?