Міністэрства гандлю Беларусі правяло праверкі гандлёвых аб'ектаў, якія рэалізуюць абутак, у выніку прыпыненая праца 12 сталічных крамаў.
Гаворка ідзе аб крамах, якія належаць ТАА «Аксіс на Кірава» («Мегатоп»), ПГУП «Дзве таполі» («О'кей») і ПГУП «КорсаКома» («V сетка салонаў абутку», «Абутковы дыскаўнтэр «Еўрасток»).
Устаноўлена, што ў парушэнне заканадаўства ва ўсіх правераных крамах абутак айчыннай вытворчасці быў прадстаўлены ў вельмі вузкім асартыменце. У асобных выпадках асартыментны пералік не выконваўся больш чым на 80%.
Таксама апроч іншых парушэнняў правілаў гандлю ў двух крамах ПГУП «КорсаКома» выяўлены факты рэалізацыі і захоўвання абутку імпартнай вытворчасці без маркіроўкі кантрольнымі (ідэнтыфікацыйнымі) знакамі на суму звыш Br130 млн.
