Аляксандр Лукашэнка 29 красавіка прыме ўдзел у сумесным пасяджэнні Палаты прадстаўнікоў і Савета Рэспублікі Нацыянальнага сходу Беларусі. Пра гэта паведамілі ў прэс-службе беларускага лідара.
Кіраўнік дзяржавы звернецца з пасланнем да беларускага народа і Нацыянальнага сходу.
Пачатак мерапрыемства — у 11.00. Выступ Лукашэнкі будзе транслявацца ў жывым эфіры па тэлеканале «Беларусь 1» і Першым нацыянальным канале Беларускага радыё.
