Еўрасаюз мае намер выдзеліць 70 млн еўра для будаўніцтва ахоўнай канструкцыі над саркафагам разбуранага чацвёртага энергаблока Чарнобыльскай АЭС.
Пра гэта на прэс-канферэнцыі па выніках саміту Украіна-ЕС заявіў прэзідэнт Еўракамісіі Жан-Клод Юнкер.
«Я паведамляю прэзідэнту Украіны, што Еўрапейская камісія плануе прадаставіць яшчэ 70 млн еўра, каб дапамагчы з пытаннямі, звязанымі з будаўніцтвам ахоўнай канструкцыі ў Чарнобылі», — сказаў Юнкер.
Раней намеснік кіраўніка праекта па будаўніцтве ахоўнай канструкцыі Віктар Залізецкі паведаміў, што для яе завяршэння неабходна яшчэ каля 500 млн еўра.
