Папулярны беларускі сайт анлайн-аўкцыёнаў Ay.by змяніў правілы ў сувязі з прадпісаннем Міністэрства гандлю. Пра гэта зарэгістраваным карыстальнікам паведамляецца па электроннай пошце.
Новыя правілы ўводзяць забарону на продаж ювелірных вырабаў, медалёў, ордэнаў і іншых дзяржаўных узнагарод Беларусі, СССР і БССР.
Акрамя таго, усе цэны ў замежнай валюце будуць пераведзеныя ў беларускія рублі па курсе Нацбанка.
Лоты, што не адпавядаюць новым правілам, будуць выдаляцца, за сістэматычныя парушэнні будуць блакавацца акаўнты карыстальнікаў.
На сайце новыя правілы на момант публікацыі не былі апублікаваныя.
