У выніку моцнага ветру на тэрыторыі Мінскай вобласці 13 красавіка пацярпелі 67 населеных пунктаў у Барысаўскім, Вілейскім, Клецкім, Лагойскім, Мінскім, Маладзечанскім, Слуцкім, Салігорскім і Старадарожскім раёнах.
Такія дадзеныя апублікавала рэгіянальнае ўпраўленне МНС па стане на 23.00.
На фота наступствы буры ў Маладзечанскім раёне, у в. Мойсічы, фоты kraj.by
Аварыйныя брыгады вялі рамонтна-аднаўленчыя работы. За ўсё без электразабеспячэння на тэрыторыі Мінскай вобласці застаюцца 11 населеных пунктаў. Пашкоджаны дахі 37 будынкаў: 13 жылых дамоў (1 адноўлены), 1 аб'ект сацкультбыту, 23 сельскагаспадарчых будынкі, з іх 13 малочна-таварных ферм, паведамляе БелаПАН.
А над Салігорскам пранеслася сапраўдная чорная бура: вецер узняў торф з навакольных палёў.
